فوتو: سۋ رەسۋرستارى جانە يرريگاتسيا مينيسترلىگى
سالا مينيسترلىگىنىڭ مالىمەتىنشە قازىرگى ۋاقىتتا 11 توپتىق سۋ قۇبىرىن جەرگىلىكتى اتقارۋشى بيلىككە بەرۋ جۇمىسى جالعاسىپ جاتىر. ونىڭ 9-ىنىڭ قۇجاتتارى مەملەكەتتىك م ۇلىك جانە جەكەشەلەندىرۋ دەپارتامەنتتەرىندە. جالپى سانى 41 توپتىق سۋ قۇبىرىن اكىمدىكتەرگە بەرۋ جوسپارلانىپ وتىر.
جەرگىلىكتى اتقارۋشى ورگانداردىڭ كوممۋنالدىق ينفراقۇرىلىمدى تىكەلەي باسقارۋعا قاجەتتى وكىلەتتىكتەرى مەن قۇرالدارى بار. ولار تاريفتەردى بەكىتەدى, بيۋدجەت قاراجاتىن بولەدى, سونداي-اق پايدالانۋ مەن قايتا جاڭعىرتۋعا كەتەتىن شىعىنداردى جەرگىلىكتى جانە رەسپۋبليكالىق باعدارلامالارعا ەنگىزە الادى.
توپتىق سۋ قۇبىرلارىن اكىمدىكتەرگە بەرۋ – جەلىلەردى جۇيەلى تۇردە كۇتىپ ۇستاۋ مەن جوندەۋ ارقىلى اپاتتىق جاعدايلاردى ازايتۋعا مۇمكىندىك بەرەدى. سونىمەن قاتار بۇل شارا شىعىنداردى ناقتى ءارى اشىق ەسەپكە الۋعا, بيۋدجەت قاراجاتىن ءتيىمدى پايدالانۋعا جول اشادى, سۋدىڭ ىسىرابىن ازايتادى جانە جۇيەلەردىڭ ەنەرگيا تيىمدىلىگىن ارتتىرادى. ودان بولەك, تسيفرلاندىرۋ مەن اۆتوماتتاندىرۋ ۇدەرىسىن دە جەدەلدەتەدى. ناتيجەسىندە, تۇرعىندار تازا اۋىزسۋعا تۇراقتى ءارى ۇزدىكسىز قول جەتكىزەدى. بۇل – سۋ سالاسىنداعى مەملەكەتتىك ساياساتتىڭ باستى مىندەتتەرىنىڭ ءبىرى.
«سونىمەن قاتار مينيسترلىك 1,3 ملن ادامدى اۋىز سۋمەن قامتاماسىز ەتۋ ءۇشىن ۇزىندىعى 2,5 مىڭ شاقىرىمنان اساتىن سۋ قۇبىرىن سالۋ جانە رەكونسترۋكتسيالاۋ جۇمىسىن جۇرگىزىپ جاتىر. بۇگىندە 9 وبلىستا 31 جوبا ىسكە اسىرىلىپ جاتىر. 2024 جىلى اقمولا, الماتى, قىزىلوردا, سولتۇستىك قازاقستان, ماڭعىستاۋ, ۇلىتاۋ وبلىستارىندا 8 توپتىق سۋ قۇبىرىن سالۋ جانە رەكونسترۋكتسيالاۋ جوباسى اياقتالدى. بۇل جۇمىستار 208 مىڭنان استام تۇرعىنى بار 49 ەلدى مەكەننىڭ اۋىزسۋمەن قامتۋ جاعدايىن جاقسارتۋعا مۇمكىندىك بەردى», دەدى سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆ.
